علي باب الجنه


اسلامي ثقافي اجتماعى
 
الرئيسيةالرئيسية  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 حاجات عايزين نغيرها ؟؟

اذهب الى الأسفل 
كاتب الموضوعرسالة
المهندس محمد



عدد المساهمات : 175
تاريخ التسجيل : 16/01/2010

مُساهمةموضوع: حاجات عايزين نغيرها ؟؟   السبت مايو 22, 2010 2:08 pm

حاجات عايزين نغيرها ؟؟


كيف حالكم اخوتى
كل عام وانتم بخير
هنكلم عن حاجات عايزين نغيرها
بتحصل من كتير من نساءالمسلمين فى اجمل
شهرفى السنه *شهررمضان*
شهر النفحات والبركات شهرالمغفره والرحمه والعتق من النار
تعالوا معايا نشوف بنعمل ايه غلط وازاى نصحح الغلط ده
اولا/الاكل
بتحسوا معايا ان الناس وكانها طول السنه صايمه وبتيجى فى رمضان وتفطر؟ ازاى مع ان رمضان صوم اقلكوا ازاى
تلاقى الوحده وقفه فى المطبخ طول النهار بتعملى ايه يا اختى تقول ايه بطبخ احنا صايمين وعايزين نفطر عشان نتقوى كده وايه اشكال متعدده مما لذ وطاب وبعد المغرب تاكل وتدخل تانى ؟
ايه تانى مش خلاص؟
ازاى لازم نحلى اشى كده كنافه وقطايف وبسوسه وجلاش
ووووووحاجات
يا ستى حرام عليكى تضيعى الكثير من الحسنات ده شهر رمضان ده شهر البنزين للسنه كلها **اوكازيون **تضييعيه عشان الاكل
تسيبى الذكر والقران والصلاه والقيام
امال ايه؟
بلاش ناكل يعنى؟
لا كلى ياستى بس بلا افراط ولا تفريط
كلى الى تقدرى تكملى به يومك من القيام والقران
مش لازم تملى السفره حاجات كتير ثم فى الاخر ترميها مش حرام عليكى كفايه صنف او صنفين
وممكن قبل رمضان تحضرى حاجاتك وتشليها فى الفيرزر
بحيث تيجى فى رمضان تحضريها بسرعه ولاتحتاج وقت انتى فى امس الحاجه له
متعرفيش ها يعد عليكى رمضان تانى ولا
اعاد الله علينا رمضان اعوام عديده وتقبله منا
ثانيا الزيارات والعزومات
ايه كمان عايزانى مستقبلش حد انتى مش عرفه ثواب افطار صائم قد ايه ؟؟
هقولك عرفه ؟بس هتفضلى كده طول الشهر ياما هتعزمى حد او معزومه وياريت تجتمعوا على الذكروالقران والقيام لكن للاسف
كلام وضحك وتضييع وقت
طب نعمل ايه دول اهلى ؟
الحل يا ستى ؟؟
انك تحولى تجمعيهم كلهم فى يوم او يومين
وتكونى محضره كده كلمه حلوه تقوليها او تصلى بالنساء جماعه
حولى تستثمرى الوقت فى طاعه
وانتى برده متخرجيش كتير مره او اتنين وبرده تستثمرى الوقت فى طاعه وتكونى انتى قدوه ليهم وطريقك فى ذلك الابتسامه
صدقينى هتفتح ابواب كتير
لاحول ولا قوه الا بالله
فى العشر الاواخر الى فيهم ليله القدر الى الحبيب كان يشد المأزر ويطوى فراشه ويقوم ليله ويعتكف من اجل ليله القدر
انتى تيجى تضيعيها من اجل كحك العيد والملابس
يعنى بلاش العيال تفرح ياكلوا ويلبسوا جديد؟
لا يا ستى يكلوا ويفرحوا؟
بس ممكن تعمليه قبل رمضان او اوله او فى العيد حتى يا ستى ومضيعيش من ايديكى 82سنه عباده ضمنه تعيشيهم فى طاعه
او يستى اشترى كميه على قدك جاهز وفى كل الاسعار الى تقدرى عليه وريحى نفسك
اما لبس العيد يلا روحى اشتريه من دلوقتى مضيعيش وقت ؟
مش لازم يعنى فى رمضان
وكمان حاجه مهمه نسيت اقولك عليها
عايزيين برده نغيرها
تنظيف البيت
عشان العيد من سجاد وفرش وخلافه
برده يا ستى اغسلى كله قبل رمضان بيوم او يومين
بحيث تيجى فى رمضان يبقى حاجات خفيفه كده من فوق الوش يعنى وليله العيد يا ستى اعملى برده حاجه بسيطه كده مهو لسه نضيف
ها يا ستى اقتنعتى ولا هتضيعى منك طريقك للجنه
والله ممكن رمضان السنادى يكون طريقك للجنه بس اجتهدى انتى بس ومضيعهوش منك
وينظر لنا الله نظره رحمه ونكون عتاقئه من النار
اللهم امين
لو هناك حاجه كمان حد عايز يضيفها فليتفضل
الموضوع مفتوح
وجزاكم الله خيرا
بلغنا الله واياكم رمضان
وليله القدر
ورزقنا الله فيه عبادته على النحو الذى يرضيه عنا
الرجوع الى أعلى الصفحة اذهب الى الأسفل
 
حاجات عايزين نغيرها ؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
علي باب الجنه :: رياض الاخوات الصالحات :: رياض الصالحات-
انتقل الى: